![Zero Error Agency](https://www.garvigujarat.co.in/wp-content/uploads/2024/06/Zero-Error-Agency-Prafull-ADVT-1600-×-408-px.gif)
Baltimore Bridge Collapse: અમેરિકાના મેરીલેન્ડના બાલ્ટીમોરમાં પેટાપ્સકો નદી પર બનેલો ઐતિહાસિક ફ્રાન્સિસ સ્કોટ બ્રિજ જહાજ સાથે અથડાયા બાદ નદીમાં પડી ગયો છે. આ દુર્ઘટના બાદ ગુમ થયેલા છ લોકોના મોત થયાનું અનુમાન કરવામાં આવ્યું છે.
બાલ્ટીમોર અકસ્માતમાં ગુમ થયેલા છ લોકોના મોતની આશંકા છે
યુએસ કોસ્ટ ગાર્ડનું કહેવું છે કે બાલ્ટીમોરમાં પુલ ધરાશાયી થયા બાદ ગુમ થયેલા છ લોકોની શોધખોળ સ્થગિત કરી દેવામાં આવી છે. રીઅર એડમિરલ શેનન ગિલરેથે કહ્યું કે અમે આ સર્ચ ઓપરેશન બંધ કરી દીધું છે. હવે એવી આશા ઓછી છે કે અકસ્માત બાદ ગુમ થયેલા છ લોકો જીવિત હશે.
![Baltimore Bridge Collapse: બાલ્ટીમોર અકસ્માતમાં લાપતા છ લોકોના મોતની શંકા, જહાજની ટક્કરથી પુલ ધરાશાયી થયો 1 Zero Error Agency](https://www.garvigujarat.co.in/wp-content/uploads/2024/07/Garvi-Gujarat-Whatsapp-Channel.jpg)
માલવાહક જહાજ પુલ સાથે અથડાયું હતું
બાલ્ટીમોરના ફ્રાન્સિસ સ્કોટ બ્રિજ સાથે એક માલવાહક જહાજ અથડાયું હતું. આ અકસ્માત દરમિયાન અનેક લોકો અને કાર નદીમાં પડી ગયા હતા.
અકસ્માત પહેલા મદદ માંગી હતી
મેરીલેન્ડના ગવર્નર વેસ મૂરેના જણાવ્યા અનુસાર કાર્ગો જહાજના ડ્રાઈવરે પણ અકસ્માત પહેલા મદદ માંગી હતી. એવી આશંકા છે કે ઈલેક્ટ્રીકલ સમસ્યાના કારણે માલવાહક જહાજ પુલ સાથે અથડાયું હોઈ શકે છે. જેના કારણે આ અકસ્માત થયો હતો.
રાષ્ટ્રપતિ જો બિડેને દુઃખ વ્યક્ત કર્યું
આ દરમિયાન અમેરિકી રાષ્ટ્રપતિ જો બિડેને બાલ્ટીમોર બ્રિજ દુર્ઘટના પર શોક વ્યક્ત કર્યો છે. તેણે કહ્યું કે આ એક ભયંકર અકસ્માત હતો. અમારી પ્રાર્થના આ દુર્ઘટનામાં સામેલ દરેક વ્યક્તિ સાથે છે. તેમણે કહ્યું કે દુર્ઘટના બાદ બાલ્ટીમોર બંદરમાં જહાજની અવરજવર આગામી આદેશો સુધી બંધ કરી દેવામાં આવી છે.
![Zero Error Ad](https://www.garvigujarat.co.in/wp-content/uploads/2024/06/Zero-Error-Agency-Prafull-ADVT-1600-×-408-px.gif)