IPL મેગા ઓક્શન 2025 પહેલા, BCCI અને IPL ગવર્નિંગ કાઉન્સિલે રિટેન્શન અને અન્ય નિયમો જારી કર્યા છે. બેઠક બાદ IPL ગવર્નિંગ કાઉન્સિલે હરાજી માટે ટીમોની સંખ્યા વધારવાનો નિર્ણય લીધો હતો. હવે IPLની ટીમો હરાજીમાં 120 કરોડ રૂપિયા સુધીનો ખર્ચ કરી શકશે. ઉપરાંત, IPL ટીમો તેમના 6 ખેલાડીઓને જાળવી શકશે અને તેમની પાસે રાઈટ ટુ મેચ કાર્ડ હશે, પરંતુ આ સિવાય વિદેશી ખેલાડીઓ માટે કડક નિયમો હશે. આ નવા નિયમ બાદ વિદેશી ખેલાડીઓ આખી સિઝન માટે ઉપલબ્ધ રહેશે.
BCCIના નવા નિયમ બાદ હવે મેગા ઓક્શન પહેલા દર વખતે વિદેશી ખેલાડીઓ માટે રજિસ્ટ્રેશન ફરજિયાત કરવામાં આવ્યું છે. જો વિદેશી ખેલાડીઓ આમ કરવામાં નિષ્ફળ જશે તો તેમને હરાજી માટે અયોગ્ય જાહેર કરવામાં આવશે. આ સિવાય, જો કોઈ ટીમ હરાજીમાં કોઈ ખેલાડીને ખરીદે છે અને તે ખેલાડી સિઝનની શરૂઆત પહેલા પોતાને અનુપલબ્ધ જાહેર કરે છે, તો તે ખેલાડીને ટૂર્નામેન્ટમાં ભાગ લેવાની મંજૂરી આપવામાં આવશે નહીં. ઉપરાંત, તે ખેલાડીને 2 સીઝન માટે હરાજીમાં ભાગ લેવાનો અધિકાર રહેશે નહીં.
વર્ષોથી, એવા કિસ્સાઓ બન્યા છે કે જ્યારે વિદેશી ખેલાડીઓએ નાના અંગત કારણોને ટાંકીને ટુર્નામેન્ટની શરૂઆત પહેલા સિઝન માટે પોતાને અનુપલબ્ધ કર્યા હતા. આનાથી IPL ટીમની રણનીતિ અને ગેમ પ્લાન પર નકારાત્મક અસર પડી છે. તેને જોતા BCCIએ કડક નિર્ણય લીધો છે. હવે વિદેશી ખેલાડીઓએ દરેક કિંમતે IPL માટે BCCIની ગાઈડલાઈનનું પાલન કરવું પડશે. માનવામાં આવે છે કે BCCIના નવા નિર્ણય બાદ IPL ટીમો માટે રણનીતિ બનાવવામાં સરળતા રહેશે.
